ირაკლი კლიმიაშვილი კარიერას თბილისის "ლოკომოტივში" რომ გააგრძელებდა, ეს ზაფხულში გახდა ცნობილი. ქუთაისის "ტორპედოდან" 28 წლის ნახევარმცველი გაურკვევლობას გამოექცა და თანაგუნდელ გიორგი კუხიანიძესთან ერთად, "ლოკომოტივში" თამაში ამჯობინა.თბილისური კლუბის პრესსამსახურის ცნობით, გამოცდილი შუახაზელი "ლოკომოტივში" 6-ნომრიანი მაისურით ითამაშებს. შეგახსენებთ, რომ სხვადასხვა პერიოდში კლიმიაშვილი თამაშობდა "ვიტ ჯორჯიაში", ტაშკენტის (უზბეკეთი) "ფახთაქორში", მახაჭყალის "ანჟიში", ბოლნისის "სიონში", ლატვიურ "სკონტოსა" და გორის "დილაში". ბოლო ორი სეზონი მან ქუთაისის "ტორპედოში" გაატარა, 2008-09 წლებში კი საქართველოს ეროვნული ნაკრების ფორმით 5 მატჩი ჩაატარა.
რაც შეეხება კუხიანიძეს, ის "ლოკომოტივში" 8-ნომრიანი მაისურით
მაგრამ კუხიანიძემ მშობლიურ ქალაქში დარჩენა არ ისურვა. როგორც მერე თქვა, კლუბს პირობებზე ვერ შეუთანხმდა. ქუთაისური კლუბის გარდა, მას "ზესტაფონსა" და ქობულეთის "შუქურაში" უთამაშია.
შეგახსენებთ, რომ "ლოკომოტივმა" ლუკა ზარანდიას დაბრუნებაც დაადასტურა.
თბილისელები პირველ შეხვედრას 13 აგვისტოს გამართავენ. კლიმიაშვილსა და კუხიანიძეს თამაში ყოფილი კლუბის, ქუთაისის "ტორპედოს" წინააღმდეგ მოუწევთ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
