გორის "დილას" შემადგენლობაში მატებაა. ამიერიდან კლუბის ღირსებას 22 წლის თავდამსხმელი ვაჟა მათიაშვილი დაიცავს. ფორვარდს საქართველოს ასაკობრივ ნაკრებებში უთამაშია.მათიაშვილი თბილისის "დინამოს" აღზრდილია. ამ კლუბის დუბლშემადგენლობის ერთ-ერთი საუკეთესო ბომბარდირი იყო, ბოლოს კი ლანჩხუთის "გურიასა" და ხონის "იმერეთში" თამაშობდა.
ცოტა ხნის წინ "დილას" მთავარმა მწვრთნელმა უჩა სოსიაშვილმა "ლელოს" უთხრა, რომ ელოდნენ ბრაზილიელ ნახევარმცველს, რომელიც იტალიის ჩემპიონატის ერთ-ერთ ქვედა ლიგაში თამაშობს. დავინტერესდით და შევიტყვეთ, რომ ამ ტრანსფერთან დაკავშირებით ახალი ჯერ არაფერია.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
