28 ნოემბერს საქართველოს ფეხბურთის ფედერაციაში უმაღლესი ლიგის ფინალური მატჩების წილისყრა გაიმართა.ფინალურ შეხვედრაში ერთმანეთს "წითელი" და "თეთრი" ჯგუფის ლიდერები, "სამტრედია" და საჩხერის "ჩიხურა" დაუპირისპირდებიან.
ფინალების პირველ შეხვედრას 3 დეკემბერს სამტრედია უმასპინძლებს და მატჩი 14:00 საათზე დაიწყება. საპასუხო მატჩი კი, 11 დეკემბერს, 13:30 საათზე თბილისში, მიხეილ მესხის სახელობის სტადიონზე გაიმართება. ორივე შეხვედრის პირდაპირ რეპორტაჟს საზოგადოებრივი მაუწყებლის "პირველი არხი" შემოგთავაზებთ.
დღესვე გაირკვა, რომ 10 დეკემბერს გასამართ ბრინჯაოს ფინალს გორის თენგიზ ბურჯანაძის სახელობის სტადიონი უმასპინძლებს და შეხვედრა 13:00 საათზე დაიწყება.
მომზადებულია gff.ge-ს მიხედვით
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "გაგრა" - "სამტრედია" [LIVE]](/pictures/image7/4b0083628fe670ca04775c10fe11f679.jpg "ეროვნული ლიგა. XXXI ტური. \"გაგრა\" - \"სამტრედია\" [LIVE]")
მითუმეტეს რომ ეს არის "იმედის მატჩი" რადგან განმეორებითი თბილისშია და იქ ბევრი ვერ წავა, ხოლო საჩემპიონო ჰანდიკაპი კი სამტრედიიდან უნდა წაიღონ საკმაოდ ძლიერი.
თუმცა მე მგონი რომ მიუხედავად იმისა რომ უფრო ლოგიკურია სამტრედიის ცემპიონობა, მაინც ჩიხურას მხარეს გადაიხრება ან გადახრიან ფორტუნას, რადგან პოტენციალურად თუკი ჩიხურა ჩემპიონი გახდა, მას ჩემპიონთა ლიგისათვის მოსამზადებლად 10 ჯერ მეტ რესურსს მოუნახავენ საჭიროების შემთხვევაში, ვიდრე უფულო კერძო სტრუქტურის მიერ მართულ საბიუჯეტო ფულზე მჯდომ სამტრედიას.