საფეხბურთო კლუბ "ზუგდიდის" ყოფილი უკრაინელი ვიცე-პრეზიდენტი სვიატოსლავ სიროტა სამსახურს ეძებს. სიროტამ ინტერნეტში სივი განათავსა და აღნიშნა, რომ სასურველი ხელფასი თვიურად 25 000 გრივნაა, ანუ 1000 დოლარი.ამასთანავე, სივში წერია, რომ სიროტა, რომელიც ოჯახთან ერთად კიევში ცხოვრობს, საჭიროების შემთხვევაში მზადაა საცხოვრებლად სხვა ქალაქში გადავიდეს.
"ჩემდა სამწუხაროდ, "ზუგდიდის" და ჩემი თანამშრომლობა შეწყდა. თუმცა, რეალურად ის არც დაწყებულა... აგვისტოს დასაწყისში კლუბის ვიცე-პრეზიდენტად წარმადგინეს, მაგრამ სექტემბრის შუა რიცხვებამდე ჩემი სტატუსი იურიდიულად არ დამტკიცებულა. სწორედ ამიტომ, იძულებული გავხდი შინ, კიევში დავბრუნებულიყავი", - წერს განცხადებაში სიროტა.
