საქართველოს ნაკრებმა თბილისში შეკრება დაასრულა და გეზი დუბაისკენ აიღო

საქართველოს ეროვნულმა ნაკრებმა ვლადიმირ ვაისის ხელმძღვანელობით საწვრთნელი შეკრება თბილისის "დინამოს" საწვრთნელ ბაზაზე დაასრულა და დღეს, 21 იანვარს დუბაიში მიემგზავრება, სადაც ორ ამხანაგურ შეხვედრას ჩაატარებს.

საქართველოს ნაკრები დუბაიში 23 იანვარს უზბეკეთს დაუპირისპირდება, 25-ში კი იორდანიას.

თბილისში შეკრებაზე მთავარი მწვრთნელის განკარგულებაში 20 ფეხბურთელი იყო, გუნდს ორი წევრი: ვლადიმერ დვალიშვილი და უჩა ლობჟანიძე კი დუბაიში შეუერთდებიან.

საქართველოს ნაკრები
მეკარეები: როინ კვასხვაძე ("ტორპედო", ქუთაისი), ომარ მიგინეიშვილი ("სამტრედია", სამტრედია), ოთო გოშაძე ("საბურთალო", თბილისი)

მცველები: თორნიკე გრიგალაშვილი ("ჩიხურა", საჩხერე) დავით ხოჭოლავა ("ჩერნომორეცი", ოდესა, უკრაინა), გიორგი რეხვიაშვილი ("ლოკომოტივი", თბილისი), ლაშა შერგელაშვილი ("რიგასი",ლატვია), უჩა ლობჟანიძე ("ატირაუ", ყაზახეთი), გიორგი ქიმაძე ("ტორპედო", ქუთაისი), ჯიმი ტაბიძე ("გენტი", ბელგია)

ნახევარმცველები: თეიმურაზ შონია ("დინამო", ბათუმი), გიორგი განუგრავა ("ჩიხურა", საჩხერე), ოლეგ მამასახლისი ("ტორპედო", ქუთაისი), ოთარ კიტეიშვილი ("დინამო" თბილისი), ბაჩანა არაბული ("დინამო", თბილისი), გიორგი ხარაიშვილი ("საბურთალო",თბილისი), ბექა ტუღუში ("ტორპედო", ქუთაისი), საბა ლობჟანიძე ("დინამო", თბილისი), გიორგი პაპუნაშვილი ("დინამო", თბილისი) ლაშა პარუნაშვილი ("დინამო",თბილისი)

თავდამსხმელები: ვლადიმერ დვალიშვილი ("ატირაუ", ყაზახეთი), ბუდუ ზივზივაძე ("სამტრედია", სამტრედია).