საქართველოს ეროვნული ნაკრებისა და ვარშავის "ლეგიას" ფეხბურთელი ვაკო ყაზაიშვილი სოციალურ ქსელში ერთ-ერთ ქართველ გულშემატკივარს გამოეხმაურა, რომელმაც მას სერბეთთან მატჩში ჯანო ანანიძისთვის არგაკეთებული პასი შეახსენა."პასის მიცემა ყოველთვის ფასობს!" - დაუწერა გულშემატკივარმა.
ვაკომ ამ კომენტარს შემდეგნაირი პასუხი გასცა: "გინდა ჩემი პასები განახო? მეც გულდაწყვეტილი ვარ და რომ დამენახა, მივცემდი".
შეგახსენებთ, რომ საქართველოს ნაკრები სერბეთთან 1:2 დამარცხდა.
