ეროვნული ნაკრების თავკაცმა თემურ ქეცბაიამ მოლდოველებთან სათამაშოდ უკრაინული "დნიპროდან" "კრივბასში" განათხოვრებული უჩა ლობჟანიძეც გამოიძახა, რომელიც გუნდს 7 ნოემბერსვე შეუერთდა, თუმცა გუშინ არ უთამაშია. მიზეზი ორი დღის წინ ვარჯიშზე მიღებული ფეხის ტრავმაა. ექიმები იმედოვნებდნენ, რომ ლობჟანიძეს ფეხი მეორე დღეს დაუცხრებოდა, მაგრამ მდგომარეობა უფრო გართულდა და უჩა 18-კაციან სანაკრებო განაცხადში ამ მიზეზით ვერ მოხვდა.
ქართველი ლეგიონერი "კრივბასს" მალე შეუერთდება და იქ გაირკვევა, რა სირთულისაა მისი ტრავმა.
ყოველდღიური სპორტული გაზეთი "ლელო"
