14 ნოემბერს თბილისში, მიხეილ მესხის სახელობის სტადიონზე გამართული საქართველო-ეგვიპტის ამხანაგური მატჩის შემდეგ პრესკონფერენციაზე სტუმართა გუნდის მთავარი მწვრთნელი ბობ ბრედლი წარსდგა- კარგი თამაში გამოვიდა კარგი გუნდების შესრულებით. პირველ ტაიმში მართლაც კარგად ვითამაშეთ, სწრაფი ფეხბურთი ვაჩვენეთ.
- მატჩის შედეგი ლოგიკურად მიგაჩნიათ?
- შედეგი სამართლიანია. საქართველოს ნაკრები ძალიან მიზანდასახულად მოქმედებდა, ნებისმიერ დროს შეიძლებოდა თამაშის შეტრიალება.
- როგორ ფიქრობთ, რა სარგებლობა მოუტანა ამ თამაშმა თქვენს გუნდს?
- ეს მატჩი კარგი ტესტი იყო ჩვენთვის. ამ მომენტისთვის ეგვიპტეში ეროვნული ჩემპიონატი არ მიმდინარეობს და ასეთი მატჩის
ჩვენ განსხვავებული სტილის ნაკრებს ვეთამაშეთ და ვფიქრობ, ეს სასარგებლო იყო ეგვიპტის ნაკრებისთვის.
- რატომ შეცვალეთ კარგად მოთამაშე მაჰმუდ შიკაბალა?
- ის მართლაც კარგი ფეხბურთელია, მაგრამ ეს ამხანაგური მატჩი იყო და სხვა ფეხბურთელების საქმეში ნახვაც გვინდოდა.
- საქართველოს ნაკრებიდან რომელ ფეხბურთელს გამოარჩევდით?
- ვინმეს გამორჩევა გამიჭირდება, საქართველომ გუნდურად ითამაშა კარგად.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
საქართველო-ეგვიპტე 0:0 - ნამდვილი ფეხბურთის შიმშილი
