მართალია, საქართველოს ნაკრებმა ბელორუსთან ორივე მატჩი მოილია (შინ 1:0, სტუმრად 0:2), მაგრამ ამ გუნდის ასპარეზობა ჩვენს ინტერესში მაინც რჩება, რადგან იგი ჯგუფში მესამე ადგილისთვის ბრძოლაში ერთ-ერთი კონკურენტია.ბელორუსებმა ყატარის დედაქალაქ დოჰაში კანადელებს ამხანაგურად 2:0 სძლიეს. შეხვედრის შედეგითაც და გუნდის თამაშის ხარისხითაც ბელორუსის ნაკრების თავკაცი გეორგი კონდრატიევი კმაყოფილი დარჩა.
"ოპტიმალური შემადგენლობით არ გვითამაშია, მაგრამ ამის მიუხედავად, მიზანსწრაფულები და გამარჯვებაზე ორიენტირებულები ვიყავით.
ყველა რგოლის მოქმედებით კმაყოფილი ვარ. გვაქვს გარკვეული პრობლემები, მაგრამ თამაშის ამ ხარისხით ოფიციალურ მატჩებში წარმატების იმედი ნამდვილად შეიძლება გვქონდეს", -
ბელორუსის ნაკრები მარტის საკვალიფიკაციო შეხვედრებისგან თავისუფალია. ჩვენთვის ძალიან საყურადღებოა 7 და 11 ივნისს გასამართი მატჩები, სადაც ფინეთი და ბელორუსი ერთმანეთს ჯერ ჰელსინკიში, შემდეგ კი მინსკში შეხვდებიან.
მესამე ადგილისთვის ბრძოლაში ამ შეხვედრებს უაღრესად დიდი მნიშვნელობა აქვს.
ფინეთმა, რომელიც აქამდე ჯგუფის გამოკვეთილ აუტსაიდერად მოჩანდა, ესპანეთში მიღწეული ფრით მესამეობაზე ხმამაღალი განაცხადი გააკეთა.
ამხანაგური მატჩი
ბელორუსი-კანადა 2:0
გოლები: 1:0 როდიონოვი (29), 2:0 ხვაშინსკი (87)
ბელორუსი: გუტორი - ვერეტილო, შიტოვი, ვერხოვცოვი, ბორდაჩევი - ოლეხნოვიჩი, დრაგუნი (51. კისლიაკი) - ბალანოვიჩი (79. ალეკსიევიჩი), ბრესანი (46. პავლოვი), პუტილო (89. ჩუხლეი) - როდიონოვი (81. ხვაშინსკი)
ყოველდღიური სპორტული გაზეთი "ლელო"
ასევე იხილეთ:
საფრანგეთი-ესპანეთი 0:1 - "ფურია როხას" დიდი ნაბიჯი ბრაზილიისკენ [VIDEO]
ბელორუსი-საქართველო 2:0 - საქმე, რომელსაც მილიონები არ შველის [VIDEO]
საქართველო-ბელორუსი 1:0 - მონატრებული ნაღდი ქართული გოლი [VIDEO]
