ჩვენთვის 2014 წლის მუნდიალი ალბასეტეში დასრულდა, სადაც თემურ ქეცბაიას ნაკრებმა, მართალია, ვერაფერი დაუპირისპირა ვისენტე დელ ბოსკეს კრებულს, მაგრამ მაინც არ წააგო გამანადგურებელი ანგარიშით - 0:2 დამარცხდა.დეტალური სტატისტიკისთვის ისევ whoscored.com-ს გამოვიყენებთ.
ჯერ ზოგადი ციფრები:
* საქართველოს ნაკრებმა იკერ კასილიასის კარისკენ 5-ჯერ დაარტყა, აქედან 4 კარში წავიდა და 1 ასცდა მიზანს.
* ესპანეთის ნაკრებმა გიორგი ლორიას კარისკენ 26-ჯერ დაარტყა, აქედან 10 წავიდა კარში (2 გოლი), 11 ასცდა მიზანს, 1 მოხვდა ხარიხას და 5 დაიბლოკა.
* ქართველი ფეხბურთელების შესრულებით დრიბლინგი 7-ჯერ ვიხილეთ,
* 16 ორთაბრძოლაში მასპინძლებმა იმარჯვეს, 15-ში - სტუმრებმა.
* საჰაერო დუელების 52% მოიგეს ესპანელებმა, 48% - ქართველებმა.
* ესპანელთა პასების 94% (!) იყო ზუსტი, ქართველების - 73%.
* ესპანელებმა 19 აუტი ჩააწოდეს, ხოლო ქართველებმა - 14.
* ქართველთა შეტევების 43% მარჯვენა ფლანგიდან წარიმართა, 31% - მარცხნიდან, 26% - ცენტრიდან.
* ესპანელი ფეხბურთელების შეტევების 41% მარცხენა ფლანგიდან წარიმართა, 32% - მარჯვნიდან, 28% - ცენტრიდან.
* თამაშის 51% ჩვენს ზონაში მიმდინარეობდა, 39% - მოედნის შუაში და მხოლოდ 12% ესპანელთა მესამედზე.
ქართველ ფეხბურთელთა სტატისტიკა
* 5 დარტყმიდან 2 შოთა გრიგალაშვილის ანგარიშზეა, თითო ნიკოლოზ გელაშვილის, გიორგი ხიდეშელის და ალექსანდრე კობახიძის.
* აქედან არაზუსტი მხოლოდ კობახიძის დარტყმა იყო.
* ეგრეთ წოდებული "მნიშვნელოვანი პასი" კობახიძემ და დავით კვირკველიამ გააკეთეს.
* პასის სიზუსტით შესანიშნავი შედეგი ჰქონდათ გურამ კაშიას - 96% და შოთა გრიგალაშვილს - 95%. უარესები: ელგუჯა გრიგალაშვილს - 60% და ირაკლი მოდებაძეს - 50%.
* 5-ჯერ მოიგო საჰაერო დუელი გელაშვილმა, 2-2-ჯერ კვირკველიამ და ხიდეშელმა.
* ბურთს ყველაზე მეტჯერ შეეხო ლორია - 50-ჯერ, მოდებაძე - მხოლოდ 3-ჯერ ბურთს.
* კაშიამ ერთხელ კარის ხაზიდან გამოიტანა ბურთი.
* წარმატებული დრიბლინგი - 7, 7 ფეხბურთელის შესრულებით.
* გელაშვილს 4-ჯერ ეუხეშნენ (სულ ესპანელები 10-ჯერ დაჯარიმდნენ).
* 3-3-ჯერ დაკარგეს ბურთი ელგუჯა გრიგალაშვილმა და გელაშვილმა.
* თამაშგარე მდგომარეობაში ჩვენი ნაკრები არ მოხვედრილა.
* ყველაზე მეტი ორთაბრძოლა მოიგო უჩა ლობჟანიძემ - 4, 3 - აკაკი ხუბუტიამ.
* 5-ჯერ ჩაჭრა მეტოქის ბურთი ხიდეშელმა, 4-ჯერ კაშიამ, 3-ჯერ ხუბუტიამ.
* ხიდეშელმა 10-ჯერ განმუხტა სიტუაცია.
* ესპანელთა დარტყმული ორჯერ დაბლოკა კაშიამ.
* კვირკველიამ 2-ჯერ ჩატოვა ესპანელი ფორვარდები თამაშგარეში.
* 3-ჯერ დაჯარიმდა ელგუჯა გრიგალაშვილი, 2-ჯერ გელაშვილი.
* ყველაზე მეტი პასი გააკეთა კობახიძემ - 28 (75% სიზუსტე).
* 2 ჩაწოდება შეასრულა კვირკველიამ და ეს ნაკრებში საუკეთესო შედეგია.
* მეტოქის მცველების ზურგსუკან პასი არც ერთ ქართველ ფეხბურთელს არ შეუსრულებია.
whoscored.com-ის რეიტინგებით საუკეთესოები:
ლორია - 7,92; კაშია - 7,59; ხიდეშელი - 7,37. უარესები: ელგუჯა გრიგალაშვილი - 5,99; ირაკლი მოდებაძე - 5,96; კობახიძე - 5,75.
ესპანელ ფეხბურთელთა სტატისტიკა
* ქართველთა კარისკენ 9 დარტყმა ალვარო ნეგრედოს ანგარიშზე მოდის, 4 - ხესუს ნავასის, 3-3 - ჩავის და პედროს; 2-2 - მატას და ინიესტას, თითო - სერხიო რამოსის, ბუსკეტსის და კოკეს.
* ნეგრედოს 9 დარტყმულიდან 7 კარში წავიდა. ამის გარდა, ლორიას კარში წავიდა მატას, პედროს და ბუსკეტსის თითო დარტყმა.
* 4-4 "მნიშვნელოვანი პასი" გააკეთეს ინიესტამ და ჩავიმ, 3 - ნეგრედომ.
* ჩავის პასების სიზუსტის მაჩვენებელი, არც მეტი და არც ნაკლები, 100%-ია! ამ მხრივ მოიკოჭლებდა ნეგრედო - 67%.
* სერხიო რამოსმა მოიგო 5 საჰაერო დუელი.
* ინიესტა ბურთს 110-ჯერ შეეხო, ჩავი და ბუსკეტსი - 108-108-ჯერ.
* ნავასმა 4-ჯერ დრიბლინგით გაიკაფა გზა, ხუანფრანმა - 3-ჯერ.
* ბუსკეტსის წინააღმდეგ ქართველებმა 4-ჯერ დაარღვიეს თამაშის წესი.
* ნეგრედომ 4-ჯერ დაკარგა ბურთი.
* ნეგრედო 2-ჯერ მოხვდა თამაშგარეში.
* რამოსმა 7-ჯერ ჩაჭრა ბურთი.
* რამოსმა 7-ჯერ განმუხტა სიტუაცია.
* რამოსი 4-ჯერ დააჯარიმეს.
* ინიესტამ გააკეთა 102 პასი.
* ნავასმა 10-ჯერ ჩააწოდა.
* ინიესტამ გააკეთა 2 გამჭოლი პასი.
whoscored.com-ის რეიტინგებით საუკეთესოები:
ნეგრედო - 8,45; რამოსი - 8,45; ბუსკეტსი - 8,06. უარესები: პედრო - 6,64; კოკე - 6,3 და ისკო - 6,07.
იხილეთ ვიდეო
იხილეთ ფოტოგალერეა
ასევე იხილეთ:
ესპანეთი-საქართველო 2:0 - დაპატენტებული სტრატეგია [VIDEO]
