თემურ ქეცბაიას სატელევიზიო შეხვედრა ჟურნალისტებთან რეზონანსული გამოდგა. საქმეს ისეთი პირი უჩანს, რომ ქვეყნის მთავარ გუნდს კიდევ ერთი გამოცდილი ფეხბურთელი გამოაკლდება - 31 წლის ალექსანდრე ამისულაშვილი, ვისზეც საქართველოს ნაკრების მთავარმა მწვრთნელმა 18 ნოემბერს გამართულ თოქ-შოუში აუგად ისაუბრა.19 ნოემბერს გაზეთი "ლელო" "კრილია სოვეტოვის" მცველს რუსეთში დაუკავშირდა და ინტერვიუ სთხოვა.
"იმის შემდეგ, რაც ქეცბაიამ ჩემზე ილაპარაკა, მის გუნდში თამაშს ვეღარ შევძლებ. ყველას თავის გზაზე გაუმარჯოს!" - უთხრა ამისულაშვილმა გაზეთს.
მისივე განმარტებით, თავმოყვარე ადამიანია და ქეცბაიას პირში ეტყვის, თუ რა პრეტენზიები აქვს მასთან.
ინტერვიუს სრულად მოგვიანებით შემოგთავაზებთ.
ასევე იხილეთ:
თემურ ქეცბაიას შეხვედრა ჟურნალისტებთან - ყვირილი, აგრესიული ტონი... [VIDEO]
