მოლდოვის ნაკრების ნახევარმცველმა ალექსანდრ გაცკანმა საქართველოსთან მოახლოებულ მატჩზე ისაუბრა.შეგახსენებთ, რომ საქართველოსა და მოლდოვის ნაკრებების მუნდიალი 2018-ის შესარჩევი ეტაპის მატჩი 12 ნოემბერს, "დინამო არენაზე", 21:00 საათზე დაიწყება.
- ვფიქრობ, საქართველოს ნაკრებთან მატჩი ძალიან რთული იქნება, რადგან ქართველებს კარგი გუნდი და ტექნიკური ფეხბურთელები ჰყავთ.
- იცნობთ თუ არა საქართველოს ნაკრებში მოთამაშე რომელიმე ფეხბურთელს?
- "როსტოვში" ჯანო ანანიძესთან და ნიკა კაჭარავასთან ერთად ვთამაშობდი. საერთო ჯამში, მათ ნაკრებში კარგი და ტექნიკური ფეხბურთელები ჰყავთ, რომლებსაც ერთი-ერთზე თამაში კარგად შეუძლიათ. ძალიან ყურადღებით და კომპაქტურად უნდა
- არის თუ არა საქართველო ჩვენთვის თანაბარი მეტოქე, რომ ქულებისთვის ვიბრძოლოთ?
- ყველა მატჩში გვინდოდა ქულების აღება. იმისთვის არ გავდიოდით, რომ წაგვეგო. სადღაც უყურადღებობა გამოვიჩინეთ, სადღაც ინდივიდუალური შეცდომები გვქონდა, მაგრამ ახლა დროა, ქულები დავაგროვოთ.
- რის ხარჯზე შეუძლია ჩვენს გუნდს საქართველოს ნაკრების დამარცხება?
- ერთიანი გუნდი უნდა ვიყოთ, ერთმანეთს დავეხმაროთ და ასევე, ვიყოთ აგრესიულები და დუელების დროს ხისტები. ვფიქრობ, ქართველებს არ უყვართ, როცა ხისტად ეთამაშებიან, ამიტომ ეს გამოგვადგება.
მომზადებულია moldfootball.com-ის მიხედვით
![საქართველო-მოლდოვის შემდეგ: გაორებული გრძნობით... [ნაწილი II]](/pictures/image7/ccfbc7991b12eb4f8f0ccfaa6a6a328d.jpg "საქართველო-მოლდოვის შემდეგ: გაორებული გრძნობით... [ნაწილი II]")
![საქართველო-მოლდოვის შემდეგ: შედეგი პირდაპირ გვეუბნება... [ნაწილი I]](/pictures/image7/5c18b989d45767b46a395cb3d9eb3ed3.jpg "საქართველო-მოლდოვის შემდეგ: შედეგი პირდაპირ გვეუბნება... [ნაწილი I]")
