კალინინგრადში მიმდინარე "ინტერ რაოს" თასის გათამაშებაში წარმატებით ასპარეზობს საქართველოს ჩემპიონი "თელასი", რომელმაც პირველ შეხვედრაში ბაშკირეთის გუნდი 2:0 დაამარცხა, მეორეში "ირიკლინსკიი გრესთან" გაილაღა - 9:0, ხოლო ჩერეპოვეცის კრებულს 6:1 სძლია და მეოთხედფინალში გავიდა.ამ სტადიაზე ავთანდილ ასათიანის გუნდს ტურნირის ერთ-ერთი უძლიერესი რუსული კლუბი - "ინტერ რაო" შეხვდა და ისიც დაამარცხა. ძირითადი დრო 1:1 დასრულდა, პენალტების სერიაში კი ქართველებმა იმარჯვეს და ნახევარფინალში გავიდნენ.
შეგახსენებთ, რომ საქართველოს მოქმედ ჩემპიონს ეს ტურნირი ზედიზედ ორჯერ აქვს მოგებული.
ყოველდღიური სპორტული გაზეთი "ლელო"
