ფუტსალში საქართველოს ჩემპიონმა "თელასმა" "ინტერ რაოს" თასი ზედიზედ მესამედ აღმართა.ავთანდილ ასათიანის გაწვრთნილებმა, კალინინგრადში დასრულებული ტურნირის ნახევარფინალში, ძლიერი მოსკოვური კლუბი "კვარც გრუპი" 3:1 დაამარცხეს. ფინალურ შეხვედრაში კი ყაზახურ ტგკ-ს შეხვდნენ. მატჩი დაძაბული გამოდგა. ძირითადი დრო 3:3 დასრულდა. საქართველოს ჩემპიონმა მეტოქე პენალტების სერიაში დაამარცხა (4:2) და თასი ზედიზედ მესამედ ჩამოიტანა საქართველოში.
საუკეთესო მეკარის პრიზი "თელასის" წევრ ლევან გაბუნიას ერგო, რომელმაც ფინალში 2 პენალტი მოიგერია.
შეგახსენებთ, რომ საქართველოს ჩემპიონი "თელასი" სექტემბრის ბოლოს უეფას ჩემპიონთა ლიგის გათამაშებაში ჩაერთვება.
ყოველდღიური სპორტული გაზეთი "ლელო"
