18 აპრილს, საქართველოს ფუტსალის ლიგის მორიგი კალენდარული ტურის შეხვედრები გაიმართა, რომელსაც ტრადიციულად, ახალმა სპორტის სასახლემ უმასპინძლა. სანაკრებო შეხვედრებით გამოწვეული პაუზის გამო VI ტურშიც ორი შეხვედრა გაიმართა.
განსაკუთრებული ინტერესი პლეი ოფის საგზურისთვის მებრძოლი ორი გუნდის, "აფხაზეთის" და "სპარტაკის" დაპირისპირებას ახლდა.
გარდამავალი უპირატესობით მიმდინარე შეხვედრაში გამარჯვება "შავიზღვისპირელებმა" მოიპოვეს - 12-7 და პლეი ოფის საგზურიც გაინაღდეს.
გარდა გუნდური დაპირისპირებისა, ამ მატჩში ბომბარდირის წოდების მაძიებელთა მიკროდუელიც გაიმართა - "აფხაზეთის" შემტევმა მელტონ ახალაიამ მიმდინარე გათამაშების რეკორდი გაიმეორა და ერთ შეხვედრაში 6 გოლის გატანა შეძლო, რითიც
რაც შეეხება "სპარტაკის" საპლეიოფო შანსებს, მათ დარჩენილი ორი შეხვედრიდან ორივეს მოგება მართებთ, რაც ურთულესი მისიაა, თუმცა ამ შემთხვევაშიც კი ისინი მხოლოდ საკუთარ შედეგზე არ იქნებიან დამოკიდებულები.
პლეი ოფში გასვლის თეორიულ შანსებს ინარჩუნებს "უფლისციხეც", რომელმაც გუშინ ჩემპიონატის აუტსაიდერს, შავი ზღვის საერთაშორის უნივერსიტეტის გუნდს სძლია - 4-2.
ოთხეულში მოსახვედრად გორელები, "სპარტაკის" მსგავსად, მხოლოდ თავიანთ თავზე ვერ იქნებიან დამოკიდებულები, რაც მომდევნო ეტაპზე ასპარეზობის გაგრძელების შანსს უფრო მიზერულს ხდის.
ეს ყოველივე კი დიდწილად იმაზე იქნება დამოკიდებული, თუ როგორ ითამაშებს "თბილისი", რომელსაც რეზერვში სამი თამაში აქვს დარჩენილი და ამ მხრივ უპირატესობაც გააჩნია.
რაც შეეხება VI ტურის დარჩენილ ორ დაპირისპირებას, ისინი 9 მაისს გაიმართება.
თბილისის "დინამო" "ბათუმთან" ითამაშებს, ხოლო თსუ და "სტუ-თელასი" რეგულარული სეზონის საუკეთესო გუნდის წოდებისთვის დაუპირისპირდებიან ერთმანეთს.
18.04.2016. საქართველოს ფუტსალის ლიგა. VI ტური
აფხაზეთი - სპარტაკი 12-7 (4-5)
გოლები: 1:15’ ხარაიშვილი (1-0), 3:02’, ალფონსე (1-1), 4:30’ კირკიტაძე (1-2), 11:46’ ახალაია (2-2), 13:48’ დუ ჟუნიორ (2-3), 16:10’ ოთინაშვილი (3-3), 18:20’ ალფონსე (3-4), 18:52’ ახალაია (4-4), 19:06’ ალფონსე (4-5), 22:44’ სებისკვერაძე (5-5), 25:44’ ღუღუნიშვილი (6-5), 34:46’ ხარაიშვილი (7-5), 36:45’ სებისკვერაძე (8-5), 37:21’ ახალაია (9-5), 37:29’ ახალაია (10-5) 38:34’ ღუღუნიშვილი (საკ. კარ) (10-6), 38:49’ ალფონსე (10-7), 39:29’ ახალაია (11-7), 39:43’ ახალაია (12-7)
გაფრთხილება: კვარაცხელია, ტვილდიანი გაძევება: ალფონსე
აფხაზეთი: გელაშვილი, ხარაიშვილი, ღუღუნიშვილი, სებისკვერაძე, ახალაია სათ.: ფიფია, შველიძე, ქეშელაშვილი, ტვილდიანი, ლევან ლეჟავა, კვარაცხელია, ლაშა ლეჟავა, ოთინაშვილი, გედენიძე
სპარტაკი(თბ): ქუთათელაძე, ალფონსე, კურატიშვილი, დუ ჟუნიორ, ბოიომო სათ.: კირკიტაძე, კანდარელი
იხილეთ ვიდეო
უფლისციხე - IBSU 4-2 (2-1)
გოლები: 11:43’ ლუკაშვილი (1-0), 12:29’ ადუაშვილი (2-0), 14:23’ მაისურაძე (2-1), 27:57’ სულთანიშვილი (3-1), 34:06’ დევაძე (3-2), 39:59; ბალიაშვილი (4-2)
გაფრთხილება: მჟავანაძე
უფლისციხე: თათანაშვილი, ადუაშვილი, ლუკაშვილი, ბალიაშვილი, კბილაძე სათ.: სულთანიშვილი, ნონიკაშვილი
IBSU: ბუჯიაშვილი, მჟავანაძე, სეფერთელაძე, ლოლუა, მაისურაძე სათ.: კალანდია, ზატუაშვილი, დევაძე, გველესიანი, ბაირამოვი, წურწუმია
იხილეთ ვიდეო
საქართველოს ფუტსალის ლიგის ტექნიკური პარტნიორები არიან გერმანული სპორტული ბრენდი SALLER და ესპანური სპორტული ბრენდი JOMA.
ღონისძიების პარტნიორები და მხარდამჭერები არიან: იურიდიული ჯგუფი "ერისთავი და პარტნიორები", "ტატიშვილის სამედიცინო და სპორტული რეაბილიტაციის ცენტრი", "წყალი მარგებელი", SPORT City, Apple City.
მედიაპარტნიორები: რადიოები, "იმედი", JAKO FM, "კომერსანტი", ვებპორტალები, sportall.ge, mysports.ge, worldsport.ge, goal.ge, და გაზეთი "ლელო".
სპორტული სააგენტო SBM-ის პრესსამსახური
