ფინალურ შეხვედრაში, რომელიც მოლოდინზე მეტად დაძაბული და სანახაობრივი გამოდგა, "ელვა სერვისმა" "კოლორი" პენალტების სერიაში 5:4 დაამარცხა და ჩემპიონის ტიტული მოიპოვა.
ფინალამდე მესამე ადგილისთვის მატჩში ერთმანეთს "ელვა.გე" და "კოლორი" დაუპირისპირდნენ. დაძაბულ ბრძოლაში გამარჯვება ტურნირის ორგზის ჩემპიონ "კოლორს" დარჩა - 4:3.
ტრადიციულმა ტურნირმა, რომელსაც პროფესიონალი მსაჯი ემსახურებოდა, სტარტი 4 ივნისს აიღო და მასში ჰოლდინგის სხვადასხვა სტრუქტურაში დაკომპლექტებულმა 12-მა გუნდმა მიიღო მონაწილეობა.
ტურნირის დასრულების შემდეგ I, II და III ადგილებზე გასულ გუნდებს ოქროს, ვერცხლისა და ბრინჯაოს მედლები გადაეცათ.
სამახსოვრო პრიზები მიიღეს სხვადასხვა ნომინაციაში გამარჯვებულებმაც.
საუკეთესო მეკარე: გოგი ტაბატაძე - სპეციალურ პრიზთან ერთად გადაეცა ფიტნესდარბაზის ვაუჩერი.
საუკეთესო ფეხბურთელი: ლაშა შარვაშიძე - სპეციალურ პრიზთან ერთად გადაეცა ფიტნესდარბაზის ვაუჩერი.
საუკეთესო ბომბარდირი: ვალერი ინაშვილი - სპეციალურ პრიზთან ერთად გადაეცა ფიტნესდარბაზის ვაუჩერი.
სპეციალური პრიზებით დაჯილდოვდნენ გულშემატკივრები, რომლებიც მიმდინარე ჩემპიონატის ყველა მატჩს დაესწრნენ. მათ საჩუქრად "ევროპარკის" ოთხ-ოთხი აბონემენტი გადაეცათ.
!["კოლორს" ტიტული "ელვა სერვისმა" ჩამოართვა - "პალიტრა მედია ჰოლდინგის" ჩემპიონატი დასრულდა [VIDEO+PHOTO] Sportall.Ge](/pictures/artimages/image17/85d4cc59038018ed40c6232f7afd6869.jpg)
!["კოლორს" ტიტული "ელვა სერვისმა" ჩამოართვა - "პალიტრა მედია ჰოლდინგის" ჩემპიონატი დასრულდა [VIDEO+PHOTO] Sportall.Ge](/pictures/artimages/image17/379820918a850643b1de62bbd21d6472.jpg)
ნანა ჩხაიძე
სპეციალურად sportall.ge-სთვის