დანიურ "ესბიერგში", სადაც ცოტა ხნის წინ ოთარ კაკაბაძე და ბუდუ ზივზივაძე გადავიდნენ, კიდევ ერთი ქართველი ფეხბურთელი ითამაშებს - საქართველოს ნაკრების ნახევარმცველი ლაშა პარუნაშვილი.23 წლის ფეხბურთელი, რომელსაც თბილისის "დინამოსთან" კონტრაქტი გასული წლის მიწურულს ამოეწურა და თავისუფალი აგენტი გახდა, დანიის სუპერლიგის კლუბში სამედიცინო შემოწმებას უახლოეს მომავალში გაივლის და კონტრაქტს გააფორმებს.
როგორც ირკვევა, "ესბიერგში" პარუნაშვილი ტრავმირებული იასპერ იოგენსენის შემცვლელად ესახებათ, რომელმაც ახლახან ოპერაცია გაიკეთა და გუნდს დიდი ხნით ჩამოშორდა.
"ის ამპლუით ნახევარმცველია, რომელსაც ფლანგებზეც შეუძლია თამაში და ცენტრშიც. მას აქვს უდიდესი პოტენციალი,
ლაშას იანვარში დებიუტი ჰქონდა საქართველოს ეროვნულ ნაკრებში, ის კარგად ფლობს ინგლისურს და ძალიან მოტივირებულია, რომ დამკვიდრდეს გუნდში", - აცხადებს "ესბიერგის" ტექნიკური დირექტორი ტედ ვან ლიუვენი.
19 ქულით "ესბიერგი" 14-გუნდიან ჩემპიონატში მე-12 ადგილზეა.
