12 მაისს უკრაინის 21-წლამდელთა ჩემპიონატის 29-ე ტური გაიმართა. გიორგი არაბიძის "შახტარმა" სტუმრად ოდესის "ჩერნომორეცი" ანგარიშით 4:0 გაანადგურა.ქართველი შემტევი დონეცკელთა სასტარტო შემადგენლობაში იყო, მოედანზე 86 წუთი გაატარა და დუბლიც გაიფორმა.
როგორც "შახტარის" ოფიციალური საიტი იუწყება, არაბიძე მატჩის ერთ-ერთი საუკეთესო ფეხბურთელი იყო. ის დონეცკელთა შეტევებში მონაწილეობას აქტიურად იღებდა და თანაგუნდელებს არაერთი საგოლე მომენტი შეუქმნა.
თავად კი პირველი გოლი მატჩის 63-ე წუთზე გაიტანა, 9 წუთში პენალტიც ზუსტად შეასრულა და შეხვედრის საბოლოო ანგარიში დააფიქსირა.
მიმდინარე სეზონში ეს არაბიძის მე-12 გოლია.
![არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]](/pictures/image7/f9eac084cd5410eb8cae8f345983facd.jpg "არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]")
