დვალიშვილის დუბლი
მატჩის დასრულებისთანავე ერთმანეთში იჩხუბეს ქართველმა ფორვარდმა და "აკჟაიკის" ნიგერიელმა ლეგიონერმა მაიკლ ოდიდემ. მაყურებლის მტკიცებით, ეს ორი ფეხბურთელი მატჩის მიმდინარეობისასაც აუგად იხსენიებდა ერთმანეთს.
"ატირაუს" პრესსამსახურმა ინციდენტი ასე ახსნა: "ლადო დვალიშვილმა ორივე გოლი მას მერე გაიტანა, რაც ოდიდეს აჯობა. ალბათ, ნიგერიელმა ფეხბურთელმა ასე გადაწყვიტა შურისძიება".
შეგახსენებთ, რომ "ატირაუში" ირიცხება კიდევ ერთი ქართველი, მცველი უჩა ლობჟანიძე.
