საქართველოს ნაკრების ყოფილი თავკაცი თემურ ქეცბაია რუსული "ორენბურგის" მწვრთნელი გახდა. "ორენბურგმა" რუსულ პრემიერლიგაში მე-13 ადგილი დაიკავა, შემდეგ კი პლეი აუთში დამარცხდა და ელიტიდან გავარდა. თემურ ქეცბაიას განცხადებით, გუნდში ბევრი კარგი ფეხბურთელია და მიზანი ელიტაში დაბრუნება იქნება. შეგახსენებთ, რომ "ორენბურგში" თამაშობს ფორვარდი ელგუჯა ლობჯანიძე.
ქეცბაია, მას მერე, რაც ათენის აეკ-დან გაათავისუფლეს უმუშევარი იყო. ბოლო დროს მას ხშირად უკავშირებდნენ შოტლანდიურ "დანდის".
