მოსკოვის "სპარტაკის" თავდამსხმელი გიორგი მელქაძე, რომელიც რუსეთის მოქალაქეა, კარიერას იჯარის წესით "ტოსნოში" გააგრძელებს, რომელიც 2017/18 წლების სეზონში რუსეთის პრემიერლიგაში ითამაშებს. ხელშეკრულება ერთწლიანია და ამის შესახებ ლენინგრადის ოლქის კლუბის ოფიციალური საიტი იუწყება."სპარტაკის" აკადემიის აღზრდილმა მელქაძემ გასული სეზონი "სპარტაკი 2"-ში გაატარა. 20 წლის ფეხბურთელმა 26 მატჩში 11 გოლი გაიტანა და პირველი ლიგის საუკეთესო ახალგაზრდა ფეხბურთელადაც დასახელდა.
მელქაძეს რუსეთის ასაკობრივ ნაკრებებშიც უთამაშია. 2015 წელს ფორვარდი საბერძნეთში ჩატარებული ევროპის ჭაბუკთა ჩემპიონატის ვერცხლისპრიზიორი გახდა.
