21 ივნისს საბა ლობჟანიძემ თბილისის "დინამოს" მაისურით ბოლო შეხვედრა ჩაატარა და გუნდს "ტორპედოს" კარში ჩახვეული კუთხურით (თუმცა საბოლოოდ, ავტოგოლად ჩაითვალა) დაემშვიდობა. 22 წლის ნახევარმცველი კარიერას დანიის სუპერლიგის კლუბ "რანდერსში" გააგრძელებს...
- ჯერ ტორპედოსთან" თამაში შეაფასეთ...
- მიხარია, რომ საქართველოს ჩემპიონატში ასეთი თამაშები იმართება. დღევანდელმა მატჩმა აშკარად გაამართლა. მე, პირადად, დიდი სიამოვნება მივიღე. მწვრთნელის დავალებები კარგად შევასრულეთ, განსაკუთრებით - მეორე ტაიმში და დამსახურებულად მოვიგეთ.
- თქვენი ტრანსფერის ამბავიც გაირკვა. დანიური "რანდერსის" წინადადებას დათანხმდით?
- დიახ, ასეა. კლუბს პირობებზე უკვე შევუთანხმდი, ჩავალ,
- რა ვადით?
- სამწლიანი ხელშეკრულება გაფორმდება.
- სხვა შემოთავაზებები გქონდათ?
- იყო ვარიანტები ესპანეთიდან, კონკრეტულად - "კორდობადან", მაგრამ ავირჩიე კლუბი, სადაც უფრო სტაბილური და კარგი გარემოა. "რანდერსის" ხელმძღვანელობაც გავიცანი... მოკლედ, არჩევანით კმაყოფილი ვარ.
- დანიაში ქართველები მაინცდამაინც წარმატებით ვერ თამაშობენ. ალბათ, ამაზე იფიქრებდით...
- მესმის, ყველაფერზე ვიფიქრე და ავწონ-დავწონე, მაგრამ საკუთარ თავის მჯერა და აუცილებლად მივაღწევ იმას, რაც მიზნად დავისახე. ჩემთვის ახლა დანიაში თამაში აჯობებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
