იტალიურ საიტებზე ერთი კვირის წინ გაჩენილი ინფორმაცია, რომლის თანახმად, საქართველოს ნაკრების 21 წლის ფეხბურთელის, ლევან ყენიას თავის რიგებში ხილვა სერია A-ს კლუბ რომის "ლაციოს" სურს, უსაფუძვლო არ ყოფილა. Lalaziosiamonoi.it-ის ცნობით, იტალიური კლუბი გელზენკირხენის "შალკეს" ქართველ ნახევარმცველზე სერიოზულად ფიქრობს და 24 მაისს ავსტრიაში გასამართ საქართველო-თურქეთის ამხანაგურ მატჩზე თავის სკაუტებსაც მიავლენს.
რომაელები ლევანთან ერთად თურქი ბურაქ ილმაზის გარჯას დააკვირდებიან.
უნიჭიერეს ქართველ ნახევარმცველს კარიერა "შალკე 04"-ში ტრავმების გამო არა და არ აეწყო და 2009 წლის შემოდგომიდან მოყოლებული, ეს პერიოდი გაჭიანურებულ მკურნალობაში გაუცდა.
ლევანს
ყველაზე საინტერესო ახლა სწორედ ისაა, სად გააგრძელებს ქართული ფეხბურთის იმედი კარიერას. ეს უკვე ამ ზაფხულს უნდა გაირკვეს. საუბარი იყო გერმანულ და ფრანგულ კლუბებზე. რაც შეეხება "ლაციოს", რომაულმა გუნდმა სერია A-ს 2011-12 წლების სეზონი მეოთხე ადგილზე დაასრულა.
