ლევან ყენიამ სანკტ-პეტერბურგის "ზენიტთან" კონტრაქტი გააფორმა, ამ უქმეებზე თბილისში ჩამოვა, 9 ივლისს კი სანკტ-პეტერბურგში გაემგზავრება და ახალ კლუბს შეუერთდება. ხელშეკრულების ვადა ასეთია: 1+2. როგორც ჩვენთვის გახდა ცნობილი, პიტერელები ამ ყველაფერს ოფიციალურად ჯერ იმიტომ არ ახმაურებენ, რომ ქართველის და სხვა ახალწვეულის წარდგენა საგანგებოდ მოწყობილ პრეზენტაციაზე სურთ.
"ზენიტს" მეორე სეზონისწინა შეკრება პორტუგალიაში ჰქონდა და ყენიაც იქ იახლა, პიტერელებმა ეს კამპი 6 ივლისს მოილიეს. ერთი სიტყვით, ყენიამ ერთი შეკრება უკვე გაირა ახალ გუნდთან.
საბჭოთა კავშირის ჩემპიონი და თასის მფლობელი "ზენიტი" 1984 წელს გახდა,
ქართველთაგან "ზენიტში" ლეგენდარულ მეკარეს, ანზორ კავაზაშვილს უთამაშია, "ზენიტის" დუბლებში იყო გაიოზ დარსაძე, ვინც ახლა მწვრთნელთა განათლების საქმეს ხელმძღვანელობს საქართველოს ფეხბურთის ფედერაციაში.
ვასილი კულკოვი, დმიტრი რადჩენკო, ოლეგ სალენკო..."ზენიტის" სკოლა არაერთმა ცნობილმა ფეხბურთელმა გაიარა. ახლანდელ "ზენიტშიც" არაერთი ჩინებული ფეხბურთელია: ვიაჩესლავ მალაფეევი, ალექსანდ კერჟაკოვი, დანი, ანდრეი არშავინი...
"ზენიტს" 2009 წლიდან იტალიელი ლუჩანო სპალეტი წვრთნის, თანაშემწეებიც იტალიელები ჰყავს. სპალეტი მანამდე "რომას" და "უდინეზეს" თავკაცობდა, რომაელებს ორჯერ მოაპოვებინა იტალიის თასი.
"ზენიტს" შეძლებული პატრონიც ჰყავს - "გაზპრომი". თქმა რად უნდა, რომ დამდეგ სეზონში "ზენიტი" ჩემპიონობის შენარჩუნებისთვის იბრძოლებს და იქნებ ევროსარბიელზეც რაიმე მნიშვნელოვანს მიაღწიოს.
ყენიასთვის კი მთავარი ამ ეტაპზე ალბათ ჯანმრთელობაა, ტრავმიანობის გამო ხომ ორწელიწადნახევარი გაუცდა. "დინამო", თბილისის "ლოკომოტივი", გელზენკირხენის "შალკე" და "ზენიტი" - 21 წლის ფეხბურთელისთვის ეს მწირი ბიოგრაფია ნამდვილად არ არის.
იმედია, თემურ ქეცბაიასა და ყენიას შორის მომხდარი უსიამოვნება ორივე მხარემ დავიწყა - თუ ყენია "ზენიტში" ჩვეულად ათამაშდება, მისწრება იქნება საქართველოს ეროვნული ნაკრებისთვისაც.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ
"ლელოსა" და Sportall.ge-ს პასუხად სანკტ-პეტერბურგის "ზენიტმა" საიტიდან ლევან ყენიას ფოტო გააქრო
სანკტ-პეტერბურგის "ზენიტმა" ლევან ყენია ვერ დამალა
ლევან ყენია სანკტ-პეტერბურგის "ზენიტს" პორტუგალიაში შეუერთდება
ესტონეთი-საქართველო 1:2 - ალექსანდრე ჩივაძეს ლევან ყენია გამოადგა [+VIDEO]
რა უთხრა თემურ ქეცბაიამ ლევან ყენიას მსურველ კლუბს
თემურ ქეცბაიაზე ნაწყენი ლევან ყენია ალექსანდრე ჩივაძემ შემოირიგა
განხეთქილება ნაკრებში გრძელდება - ვინ არის თემურ ქეცბაიას მოკავშირე?
ლევან ყენია: გულდაწყვეტილი ვარ, თემურ ქეცბაისგან ამას არ ველოდი
