უკრაინის ჩემპიონატის მე-11 ტურში დნეპროპეტროვსკის "დნიპრომ" კიევის "დინამოს" 2:1 სძლია. მასპინძელთა გუნდში შეხვედრა სრულად ჩაატარა საქართველოს ნაკრების კაპიტანმა ჯაბა კანკავამ, რომლის კარგი თამაში მატჩისშემდგომ პრესკონფერენციაზე სალაპარაკო გახდა.აღსანიშნავია, რომ "დნიპროს" მთავარ მწვრთნელ ხუანდე რამოსს კანკავასთან დაკავშირებით აზრის გამოთქმა საგანგებოდ სთხოვეს.
"მატჩი ბრწყინვალე გამოვიდა - თამაშობდნენ გუნდები, რომლებიც უმაღლესი მიზნებისთვის იბრძვიან.
ვფიქრობ, ეს გამარჯვება დამსახურებულად მოვიპოვეთ. ახლა სანაკრებო მატჩებია და ამ პერიოდს დასვენებისა და აღდგენისთვის გამოვიყენებთ. ამასთან, დაველოდებით ნაკრებში გამოძახებული ფეხბურთელების დაბრუნებას.
რაც შეეხება კანკავას თამაშს, ის კარგად გაისარჯა - ისევე,
გუნდმა ბრწყინვალე მატჩი ჩაატარა და ჯაბამაც, პირადად, ამ თამაშში გუნდს უდიდესი სარგებელი მოუტანა".
უკრაინის ჩემპიონატის სატურნირო ცხრილში მე-11 ტურის შემდეგ "დნიპრო" მეორე ადგილს იკავებს და ლიდერ დონეცკის "შახტარს" 9 ქულით ჩამორჩება.
ასევე იხილეთ:
ქართული ლეგიონი: უსიამოვნო სურათი სანაკრებო ბატალიების წინ
