ბოლო ორი წელია, გურამ კაშიას კარიერა აღმავალი გზით მიდის. ყველაზე ძვირად ღირებულმა ქართველმა მოთამაშემ ეროვნულ ნაკრებში ადგილი დაიმკვიდრა, ხოლო არნემის "ვიტესში" კაპიტნად აირჩიეს. ერედივიზიონის მიმდინარე სეზონში 26 ტური გაიმართა. კაშიამ ყველა მატჩი შეუცვლელად ჩაატარა და ორი გოლიც გაიტანა.
ახლა მთავარზე: როგორც შევიტყვეთ, "ჯვაროსნების" მოთამაშემ, შესაძლოა, სეზონის ბოლოს "ვიტესი" დატოვოს.
"ლელოს" ინფორმაციით, 25 წლის ცენტრალური მცველით რამდენიმე ევროპული კლუბია დაინტერესებული. ჩვენთვის ამ კლუბების სახელები უცნობია, მაგრამ შევიტყვეთ, რომ ჰოლანდიური კლუბის მეპატრონე - მერაბ ჟორდანია არ აპირებს, ქართველ კაპიტანს წინსვლაში ხელი შეუშალოს,
(იბეჭდება მცირე ცვლილებით)
ყოველდღიური სპორტული გაზეთი "ლელო"
