რუსეთის I დივიზიონში მე-20 ტურის მატჩები გაიმართა, თუმცა იმის გამო, რომ ჩემპიონატში 19 კლუბია, ყველას 19-19 მატჩი დაუგროვდა. ქართველთა "ალანია" მათ გარეშე (ოთარ მარცვალაძე და გოჩა ხოჯავა ტრავმირებულნი არიან) ეწვია ნაზრანს და "ანგუშტთან" 0:1 დამარცხდა. ინგუშურ-ოსურმა დაპირისპირებამ ამ მატჩშიც გამოიღო თავისი შედეგები და ფანებს შორის არცთუ მცირე ინციდენტები მოხდა. მატჩი კინაღამ ჩაიშალა.
ზურაბ არზიანის "გაზოვიკმა" "სალიუტს" 3:0 მოუგო. ქართველი მოედანზე 73-ე წუთზე გამოჩნდა.
ნალჩიკის "სპარტაკი" "ნეფტეხიმიკს" ეწვია და 0:0 დაუზავდა. დავით სირაძე მატჩის მიწურულს შეცვალეს, გუჯა რუხაია კი ამჯერად არ
ასევე 0:0 ითამაშა გიორგი ნავალოვსკის და გოგიტა გოგუას "სკა-ენერგიამ" (შინ "როტორთან"). ორივე ჩვენებურმა 90-90 წუთი ითამაშა, გოგუა ბოლოსკენ გააფრთხილეს.
აკაკი ხუბუტიას "მორდოვიამ" სტუმრად 3:0 გაანადგურა სანკტ-პეტერბურგის "დინამო". ჩვენებურმა სრულად ითამაშა. "მორდოვია" 40 ქულით პირველია და 3 ქულით უსწრებს "ალანიას".
