ახალ წლებზე ბაჩანა არაბული ესპანეთში გაემგზავრა - სიახლე "საბურთალოს" პრეზიდენტმა ტარიელ ხეჩიკაშვილმა გვითხრა. "საბურთალო" სეგუნდა დივიზიონის "ალკორკონთან" თავდამსხმელის ერთწლიან იჯარაზე 31 აგვისტოს შეთანხმდა, მაგრამ თამაშს ვინ ჩივის, 18 წლის ფეხბურთელი ესპანეთშიც ვერ ჩადიოდა.
არაბულის თამაშს ხელს მოქალაქეობის გამო წარმოქმნილი სავიზო პრობლემა უშლიდა - ესპანეთში, ისევე, როგორც ევროკავშირის სხვა ქვეყნებში, ქართველ მოთამაშეებზე შრომის ვიზას ხანგრძლივი და რთული პროცედურების შემდეგ გასცემენ. ამის გამო რამდენიმე ჩვენებური დაბრკოლდა და პირინეებზე თამაში არ ეღირსა - გაიხსენეთ თუნდაც რამდენიმე წლის წინ "ლევანტეში" ლევან ყენიას ჩაშლილი ტრანსფერი.
მაგრამ ესპანურ კლუბს არაბულზე უარი მაინც არ უთქვამს, ხოლო ბოლო ინფორმაციით, ესპანელებმა ქართველი თავდამსხმელი უკვე განაცხადში შეიყვანეს.
5 იანვარს "ალკორკონმა" მადრიდში "ბარსელონა II"-ს უმასპინძლა და ბაჩანა შეხვედრის განაცხადში არ ყოფილა.
ყოველდღიური სპორტული გაზეთი "ლელო"
![საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]](/pictures/image7/f0934612d6018858b98dd76342cf9900.png "საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]")
![დრამატული ფინალი შეხლა-შემოხლითა და კომპენსირებულ დროში გატანილი გოლით - "საბურთალომ" თასი მოიპოვა [VIDEO]](/pictures/image7/e7cd1ebf6d55c8444c189b08bc806cb2.png "დრამატული ფინალი შეხლა-შემოხლითა და კომპენსირებულ დროში გატანილი გოლით - \"საბურთალომ\" თასი მოიპოვა [VIDEO]")
