ამიერიდან, ქართული ფეხბურთის მოყვარულთათვის მალტის ჩემპიონატიც საინტერესოა, რადგან იქაური კლუბი "ვალეტა" მერაბ ჟორდანიას საკუთრებაშია, ხოლო მის ღირსებას ორი ქართველი ფეხბურთელი და ერთიც ქართული პასპორტის მქონე ნიგერიელი დაიცავენ - ნუკრი რევიშვილი, ირაკლი მაისურაძე და აბაიომი ოვონიკოკო. ამ სამეულიდან ორს უკვე ჰქონდა დებიუტი, თანაც, წარმატებული.
"ვალეტამ" სტუმრად 2:1 მოუგო "ბირკირკარას", ჩემპიონატის ლიდერს, რომელსაც აქამდე 15-მატჩიანი მოგებათა სერია ჰქონდა. კარში რევიშვილი იდგა, 90-ე წუთამდე ითამაშა ოვონიკოკომაც.
ანდრე პაუსმა ჯერ არ ათამაშა ირაკლი მაისურაძე. სხვათა შორის, ამ ჰოლანდიელი სპეციალისტის დებიუტიც იყო მალტაზე.
"ვალეტას" ოფიციალური
რაც შეეხება ოვონიკოკოს, საქებარი სიტყვები არც მას მოჰკლებია: "ოვონიკოკო შეტევის ხაზის ლიდერი იყო, მუდამ წნეხში ჰყავდა "ბირკირკარას" მცველები".
სხვათა შორის, შეხვედრას 5 900 მაყურებელი დაესწრო.
"ვალეტა" უკვე მხოლოდ 3 ქულით ჩამორჩება "ბირკირკარას". შეგახსენებთ, რომ ბოლო 13 ჩემპიონატია, ჩემპიონი მხოლოდ "ვალეტა" ხდება.
