რუმინული წყაროების ინფორმაციით, კრაიოვას "უნივერსიტატიას" კვლავ სურს საქართველოს ნაკრების შემტევის, გიორგი ჭანტურიას გადაბირება, თუმცა რუმინული მედია ვარაუდობს, რომ ტრანსფერი ერთობ საეჭვოა. როგორც წერენ, 21 წლის ჭანტურიას შეძენის მსურველმა კლუბმა იტალიურ "ვერონას" გარკვეული თანხა უნდა გადაუხადოს, რაც ხელმოკლე რუმინელებისთვის იოლი საქმე არ იქნება.
არის მეორე მომენტიც - თავად ჭანტურიაც არ იწვის "უნივერსიტატიაში" გადასვლის სურვილით, თითქოსდა, სხვა, უფრო სოლიდური შეთავაზებების მოტივით.
რუმინული პრესა უკვე იმაზეც წერს, რომ გუნდმა აქცენტი პორტუგალიელი ფორვარდის, 34 წლის ფელიპე ტეიშეირას შეძენაზე გადაიტანა.
სხვათა შორის, "უნივერსიტატია" არ არის
"არის ინტერესი რუმინული კლუბებიდან, თუმცა ჯერ გადაწყვეტილი არაფერია.
არ მინდა წინასწარ ლაპარაკი, შეიძლება ამან საქმეს ავნოს. როგორც კი რაიმე გადაწყდება და სიახლე იქნება ჩემს კარიერაში, აუცილებლად გაიგებთ", - გვითხრა ჭანტურიამ, რომელმაც სეზონის პირველი ნახევარი რუმინულ "კლუჟში" გაატარა, თუმცა ამ კლუბში არსებული ფინანსური კრიზისის გამო გაცლა ამჯობინა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
