fanatik.ro-ს ინფორმაციით, გადაწყვეტილია, რომ გიორგი ჭანტურია სეზონის მეორე ნახევარსაც იჯარით "კლუჟში" გაატარებს. "ეუგენ ტრიკას აქვს მიზეზი სიხარულისთვის - "კლუჟის" ერთ-ერთი საუკეთესო ფეხბურთელი, რომელიც "ვერონას" საკუთრებაა, ისევ "კლუჟში" ითამაშებს.
21 წლის ნახევარმცველი გიორგი ჭანტურია "კლუჟში" ითამაშებს, ტრიკამ დაარწმუნა "ქართველი მესი", ზაფხულამდე იჯარით აქ ითამაშოს, - აცხადებს Look TV.
რამდენიმე დღის წინ თავად ჭანტურიამ განაცხადა, რომ რუმინეთიდან რამდენიმე შემოთავაზება ჰქონდა, მათ შორის, კრაიოვას "უნივერსიტატიადანაც".
შეგახსენებთ, რომ სეზონის I ნახევარი მან "კლუჟში" იჯარით გაატარა, თუმცა კლუბის ფინანსური პრობლემების გამო ის გუნდს ნოემბერში დაშორდა.
![ხვიჩა მწყობრიდან გამოიყვანეს - "ნაპოლიმ" სერია A საშინელი მარცხით დაიწყო [VIDEO]](/pictures/image7/4f2b47d43c9ccb7c2ffd141631a93ec2.jpeg "ხვიჩა მწყობრიდან გამოიყვანეს - \"ნაპოლიმ\" სერია A საშინელი მარცხით დაიწყო [VIDEO]")
