რუსული ინტერნეტ-პორტალის, "ჩემპიონატის" ინფორმაციით, მახაჭყალის "ანჟიდან" გათავისუფლებული გია გრიგალავა ამჟამად მოლაპარაკებას პერმის "ამკართან" მართავს, რომელსაც გრიგალავას ყოფილი თავკაცი გაჯი გაჯიევი წვრთნის."ჩემპიონატის" მტკიცებით, "ამკარი" ერთადერთი კლუბი არაა, რომელსაც ქართველი მცველის დამატება სურს - მისით პრემიერლიგის კიდევ ერთი კლუბია დაინტერესებული, რომელიც არ სახელდება.
შეგახსენებთ, რომ ერთი კვირაა, გრიგალავას ირგვლივ სკანდალია აგორებული, მას ნარკოტიკების გამოყენება ბრალდებოდა. საბოლოოდ, გრიგალავას კლუბი "ანჟი" და ქართველი ფეხბურთელი შეთანხმდნენ და ხელშეკრულება ორმხრივად გაწყვიტეს.
