კვიპროსის თასზე საპასუხო მეოთხედფინალური შეხვედრები გაიმართა. ნახევარფინალში გავიდა უჩა ლობჟანიძის "ომონია", რომელმაც გასვლაზე 5:0 მოუგო "კარმიოტისას". პირველი შეხვედრაც "ომონიას" ჰქონდა მოგებული (2:0). ლობჟანიძემ გამარჯვებულთა რიგებში 90 წუთი ითამაშა, დამარცხებულთა შორის კი ვეტერანი უნივერსალი ლევან მაღრაძე გამოჩნდა.
სამწუხაროდ, ნახევარფინალში ვერ გავიდა სამი ქართველის "ოთელოსი", რომელიც ფრედ (1:1) დასრულებული საშინაო მატჩის შემდეგ გასვლაზე უშანსოდ დამარცხდა ლარნაკას აეკ-თან (0:4).
თუ პოპულარულ "სოკერვეის" ვენდობით, წაგებულთა რიგებში სრულად მხოლოდ მეკარე როინ კვასხვაძემ ითამაშა, არ გამოჩენილან ლევან ხმალაძე და ელგუჯა გრიგალაშვილი.
(იბეჭდება მცირე ცვლილებით)
ყოველდღიური სპორტული
