საქართველოს ეროვნული ნაკრების მცველმა, 23 წლის სოლომონ (საბა) კვირკველიამ, ვინც ქვეყნის მთავარ გუნდს ავსტრიულ შეკრებაზე ტრავმის გამო ვერ გაჰყვა, ინტერვიუ მისცა "რუბინის" ოფიციალურ ვებგვერდს და რუსული სეზონი შეაფასა:- თუ ავიღებთ ათბალიან სისტემას, როგორ შეაფასებდით სეზონს "რუბინისთვის"?
- დავუწერდი 9-ს პლუსით. ალბათ, ვერავინ იფიქრებდა, თუ ხუთეულში მოვხვდებოდით. თანაც, დამაჯერებლად ვერ დავიწყეთ სეზონი. უფრო მეტი ქულა გვექნებოდა, მატჩების ბოლოს ხშირად კონცენტრაცია რომ არ დაგვეკარგა.
- რომელ მოთამაშეს ან გუნდს გამოარჩევდით?
- იგორ პორტნიაგინმა გამაკვირვა. 11 გოლით ის საუკეთესო ბომბარდირი გახდა რუს
- სეზონის საუკეთესო გოლის თქვენეული ვერსია...
- ბოლო ტურში სუპერგოლი გაიტანა სპარტაკ გოგნიევმა "ტერეკის" კარში.
- ყველაზე მეტად რომელი შეხვედრა დაგამახსოვრდათ?
- ცსკა-სთან შინ 2:1 რომ მოვიგეთ. იმ თამაშს ვერასოდეს დავივიწყებ.
- ...და რომელ მატჩს დაივიწყებდით?
- "ტორპედოსთან" მატჩს. 2:0-ს ვიგებდით, ორი ბურთი გავუშვით და თამაში 2:2 დასრულდა.
- თქვენი აზრით, ვინ არის რუსეთის ჩემპიონატის საუკეთესო ფეხბურთელი?
- შესანიშნავი სეზონი ჰქონდა რომან ერიომენკოს.
- ბევრმა რუსეთის გასული ჩემპიონატის სიმბოლურ ნაკრებში მიგიჩინათ ადგილი. თავად რას იტყვით თქვენს თამაშზე?
- მე ჩემს საქმეს ვაკეთებ და ნაკლებ ყურადღებას ვაქცევ იმას, თუ სად რა იწერება. ამას, ძირითადად, მამაჩემი აკეთებს. ის ყველაფრის საქმის კურსშია.
- მომავალ სეზონში რისი მიღწევა გსურთ?
- მაქსიმუმი უნდა დავისახოთ მიზნად და არა, ვთქვათ, მეოთხე ადგილი...
ყოველდღიური სპორტული გაზეთი "ლელო"
