გადაწყვეტილი ამბავია, რომ "ემპოლის", რომლის ღირსებასაც ლევან მჭედლიძე იცავს, მთავარი მწვრთნელის პოსტზე მაურიციო სარის მარკო ჯამპაოლო შეცვლის. 46 წლის სპეციალისტი ბოლოს "ლიგა პროს" გუნდ "კრემონეზეს" ედგა სათავეში, იქამდე კი სერია A-ს გუნდებში მუშაობდა: "კალიარიში", "სიენაში" და "კატანიაში".
აქვე აღვნიშნოთ, რომ მაურიციო სარი "ემპოლიდან" "ნაპოლიში" გადაბარგდა და, როგორც იტალიურ სპორტულ პრესაში იწერება, ახალ გუნდში ყოფილი შეგირდები მიჰყავს.
"კორიერე დელო სპორტის" მტკიცებით, სარის სურვილია, რომ "ემპოლიდან" მცველი ლორენცო ტონელი და ნახევარმცველი მირკო ვალდიფიორი გადაიბიროს. ნეაპოლში გადაბარგების სურვილი თავად ფეხბურთელებმაც გამოთქვეს და დიდი
ერთი სიტყვით, ლევან მჭედლიძის გუნდში დიდი ცვლილებებია - "ემპოლის" ახალი მწვრთნელი ჰყავს და, როგორც ჩანს, შემადგენლობაც გვარიანად გადახალისდება. ვნახოთ, როგორ განვითარდება მოვლენები...
(იბეჭდება მცირე ცვლილებით)
ყოველდღიური სპორტული გაზეთი "ლელო"
![გოგლიჩიძე დაბრუნდა და ტრავმა მიიღო - "ემპოლიმ" "ლეჩესთან" გამარჯვება ხელიდან გაუშვა [VIDEO]](/pictures/image7/0963638cf025c81125232fc6d614dd1e.jpeg "გოგლიჩიძე დაბრუნდა და ტრავმა მიიღო - \"ემპოლიმ\" \"ლეჩესთან\" გამარჯვება ხელიდან გაუშვა [VIDEO]")
