დონეცკის "შახტარის" ქართველი ფეხბურთელი დავით თარგამაძე კარიერას "ოლექსანდრიაში" გააგრძელებს.თარგამაძე თავის ყოფილ გუნდში იჯარის წესით 2015 წლის ბოლომდე ითამაშებს.
ამის შესახებ დონეცკის "შახტარის" ოფიციალური ვებგვერდი იუწყება.
"ოლექსანდრია" ამჟამად უკრაინის პრემიერლიგაში ასპარეზობს და 5 ტურის შემდეგ 4 ქულით მე-11 ადგილზეა.
შეგახსენებთ, რომ თარგამაძე "ოლექსანდრიაში" 2010/11 წლების სეზონში თამაშობდა და ამ ხნის განმავლობაში 35 მატჩში 12 გოლი გაიტანა. თარგამაძე იმ დროს "ოლექსანდრიას" ერთ-ერთ ლიდერად ითვლებოდა, რის შემდეგაც "შახტარში" გადავიდა.
