სექტემბრის სამი საუკეთესო ლეგიონერი sportall.ge-ს ვერსიით

გთავაზობთ სექტემბრის თვის საუკეთესო ლეგიონერს sportall.ge-ს ვერსიით.

9 ქულით გაიმარჯვა "რეიმსის" ნახევარმცველმა ჯაბა კანკავამ. "ვიტესის" კაპიტანმა გურამ კაშიამ 6 ქულა დააგროვა, ხოლო 2 ქულით მესამეა "ფრაიბურგის" ნახევარმცველი ლუკას ჰუფნაგელი.

ჯაბა კანკავა - რეიმსი (საფრანგეთი), 29 წლის, 4 თამაში

ჯაბა კანკავამ მთელი საფეხბურთო საფრანგეთი აალაპარაკა. ის უკვე მოხვდა "ეკიპის" ტურის სიმბოლურ ნაკრებში. მას "რეიმსში" უკვე მიიჩნევენ გჟეგოჟ კრიხოვიაკის მემკვიდრედ.

გურამ კაშია - ვიტესი (ჰოლანდია), 28 წლის, 3 თამაში, 2 გოლი, 1 საგოლე პასი

გურამ კაშია "ვიტესის" ნამდვილი ლიდერია. ის გოლების გატანას და საგოლე პასების დარიგებას აგრძელებს, რაც მას უშუალოდ არ ევალება.

ლუკას ჰუფნაგელი - ფრაიბურგი (გერმანია), 21 წლის, 4 თამაში, 1 გოლი, 2 საგოლე პასი

საქართველომ ხელახლა აღმოაჩინა ჰუფნაგელი. ახალგაზრდა ნახევარმცველი კარგად ათამაშდა "ფრაიბურგში", რომელიც II ბუნდესლიგის ერთ-ერთი ლიდერია.

ნომინანტები იყვნენ ვაკო ყაზაიშვილი (ვიტესი), ჯაბა ლიპარტია (ზორია), ნიკოლოზ გელაშვილი (პაფოსი) და ლევან ყენია (სლავია).

გთავაზობთ 2015 წლის თვეების გამარჯვებულებს:

იანვარი
1. ვაკო ყაზაიშვილი, 2. ელგუჯა გრიგალაშვილი, 3. ლევან მჭედლიძე.

თებერვალი
1. ჯაბა კანკავა, 2. ვაკო ყაზაიშვილი, 3. გიორგი მერებაშვილი.

მარტი
1. ლევან მჭედლიძე, 2. ვაკო ყაზაიშვილი, 3. ჯანო ანანიძე

აპრილი
1. ვაკო ყაზაიშვილი, 2. მათე ვაწაძე, 3. ჯაბა კანკავა.

მაისი
1. ვაკო ყაზაიშვილი, 2-3. ჯაბა კანკავა და ლევან მჭედლიძე

ივლისი-აგვისტო
1. გურამ კაშია, 2. მათე ვაწაძე, 3. სანდრო კობახიძე