22 წლის დავით ხოჭოლავა ოდესის "ჩერნომორეცისთვის" ფასეული ფეხბურთელია. საქართველოს ნაკრებმა ესტონეთში რომ წააგო, სოციალურ ქსელებში ხშირად ახსენეს ხოჭოლავა - სამომავლოდ ნაკრებს ძალიან გამოადგებაო... ეს ნაკრების მწვრთნელის საქმეა. ისე კი, დღეს მისი თაობის ბიჭები ეროვნულ გუნდში ლიდერობას ეჩვევიან...როგორც შევიტყვეთ, ხოჭოლავათი რამდენიმე გუნდია დაინტერესებული. გუშინ "ჩერნომორეცის" მცველს უკრაინაში დავუკავშირდით და ამ თემაზე კომენტარი ვთხოვეთ:
"ოდესის "ჩერნომორეცში", პრაქტიკულად, ყველა შეხვედრა ჩავატარე. ეგ არის, ცოტა ხნის წინათ ამხანაგურ შეხვედრაში დავშავდი და, შესაძლოა, უახლოესი 3 მატჩი გამიცდეს. ახლა გამოკვლევის პასუხს ველოდები. საზარდული ვიტკინე...
"ჩერნომორეცთან"
არის ინტერესი სერბეთიდანაც, მაგრამ ამ შემთხვევაში ჯერ არ დავკონკრეტდები. სეზონი მიდის. მოვა ამაზე საუბრის დროც...
ეროვნულ ნაკრებში? ეს ყველა ფეხბურთელის ოცნებაა. ცდას არ დავაკლებ, რომ ქვეყნის მთავარ გუნდში მოვხვდე. დღეს საქართველოს ნაკრებში თანდათან წამყვან პოზიციებზე გამოდიან ჩემი მეგობრები - ის ბიჭები, ვისთან ერთადაც გავიზარდე. საქართველოს ნაკრებს მხოლოდ წარმატებას ვუსურვებ".
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ჩემპიონთა ლიგა. 1/8-ფინალი: "ლაიფციგს" გოლი არ ჩაუთვალეს, "რეალმა" გაიმარჯვა - "სიტი" ცალი ფეხით მეოთხედფინალშია [VIDEO]](/pictures/image7/7f5ab2c87187c5d71420637edfe93d09.jpeg "ჩემპიონთა ლიგა. 1/8-ფინალი: \"ლაიფციგს\" გოლი არ ჩაუთვალეს, \"რეალმა\" გაიმარჯვა - \"სიტი\" ცალი ფეხით მეოთხედფინალშია [VIDEO]")
!["რეალმა" კომპენსირებულ დროში მოიგო, "კოპენჰაგენი" ფრეს დასჯერდა [VIDEO]](/pictures/image7/9eb2d36effaaaa64e402e5f6163c0c8a.jpg "\"რეალმა\" კომპენსირებულ დროში მოიგო, \"კოპენჰაგენი\" ფრეს დასჯერდა [VIDEO]")
