ლუკა ზარანდიამ ბელგიური "გენკის" დუბლების შემადგენლობაში ითამაშა, ქართველის გუნდი "სენტ ტრუიდენთან" 1:2 დამარცხდა. 19 წლის ზარანდიამ, რომელიც მენისკის ოპერაციის შემდეგ ნელ-ნელა ჩადგა მწყობრში, მარჯვენა შემტევ ნახევარმცველად ითამაშა. ამასობაში, nieuwsblad.be-ს ინფორმაციით, "გენკის" სავარჯიშო პროცესს დაუბრუნდა თორნიკე ოქრიაშვილი, რომელმაც წინა დღე გრიპის სიმპტომით გამოტოვა.
შეგახსენებთ, რომ ბელგიურ პრესაში წერდნენ, რომ თორნიკე "გენკში" სათამაშო პრაქტიკის სიმცირის გამო თავს კარგად ვერ გრძნობს, ხოლო თავის მხრივ, კლუბი მასთან დაშორებას იანვარში აპირებს.
