ახლახან ზაპოროჟიეს "მეტალურგის" ქართველმა ნახევარმცველმა ვაკო გვილიამ კლუბთან ორმხრივი შეთანხმების საფუძველზე კონტრაქტი გაწყვიტა. ჯერჯერობით უცნობია, სად გააგრძელებს უკრაინის ახალგაზრდული ნაკრების ქართველი ფეხბურთელი კარიერას.Sportall.ge ვაკოს დაუკავშირდა და გეგმებზე ჰკითხა.
- ზაპოროჟიეს "მეტალურგთან" კონტრაქტი გაწყვიტე...
- ორმხრივი შეთანხმების საფუძველზე გავწყვიტეთ კონტრაქტი. "მეტალურგს" ყველაფრისთვის დიდ მადლობას ვუხდი. 4 წლის მანძილზე ამ გუნდის ღირსებას ვიცავდი და თავს ვუძღვნიდი. მადლობელი ვარ ყველა იმ ადამიანის, ვინც ამ პერიოდში გვერდში მედგა. "მეტალურგი" ყოველთვის იქნება ჩემს გულში.
- შემოთავაზებები გაქვს სხვა გუნდები
- რამდენიმე შემოთავაზება მაქვს რუსეთის, ამერიკის და ევროპის გუნდებიდან, მაგრამ კონკრეტულად ჯერ ვერაფერს გეტყვით.
- საქართველოში დაბრუნებაზე ხომ არ ფიქრობ?
- საქართველოში აუცილებლად ჩამოვალ და საქართველოს მოქალაქეობის დაბრუნებას ვეცდები. ახალ გუნდში ქართული პასპორტით მსურს წასვლა. უფლის წყალობით, იმედია, ყველაფერი კარგად იქნება.
- უკრაინის ახალგაზრდულ ნაკრებში გითამაშია. მოქალაქეობის შეცვლით საქართველოს ნაკრებში მოსახვედრად იბრძოლებ?
- რა თქმა უნდა. ჩემი მიზანი და ერთ-ერთი ოცნებაა, საქართველოს ნაკრებს მსოფლიოს შესარჩევ ტურნირზე დავეხმარო.
