"ჰოვერლასთან" 2:1 მოგებული მატჩის შემდეგ, რომელშიც "ოლექსანდრიას" ნახევარმცველმა დავით თარგამაძემ საგოლე პასი გააკეთა, გუნდის თავკაცმა ვლადიმირ შარანმა შემდეგი განაცხადა:"დღეს თარგამაძეს ძალიან უჭირდა, მაგრამ ჩვენ ვთხოვეთ და ითამაშა. მას ტერფი სტკიოდა. ახლო მომავალში ჩვენ "შახტარს" ვთხოვთ თარგამაძის იჯარის გაგრძელებას".
თუმცა, ერთ-ერთი წყაროს (footmania.com.ua) ცნობით, ზამთარში "ოლექსანდრიამ" შესაძლოა, სულაც გამოისყიდოს თარგამაძე.
"ზამთრის სატრანსფერო ფანჯრის დროს "ოლექსანდრიამ" შესაძლოა, სრულფასოვანი კონტრაქტი გააფორმოს დავით თარგამაძესთან. ქართველის კარგმა თამაშმა "ოლექსანდრიას" ხელმძღვანელობას გადააწყვეტინა, დაიტოვოს თარგამაძე. ის "შახტარს" ეკუთვნის. ჯერჯერობით უცნობია, რა საკომპენსაციო თანხაზეა ლაპარაკი", - წერს
შეგახსენებთ, რომ დავით თარგამაძე ზაფხულში გადავიდა "ოლექსანდრიაში" იჯარით და 8 შეხვედრაში მიიღო მონაწილეობა უკრაინის პრემიერლიგაში. ის გუნდის ერთ-ერთი ლიდერი გახდა.
