ბრემენის "ვერდერმა" ქართველი ნახევარმცველი გიორგი პაპუნაშვილი თურქულ შეკრებაზე პირველ გუნდთან ერთად წაიყვანა. ჩვენებურმა უკვე ორი შეხვედრა გამართა "ვერდერის" შემადგენლობაში და გოლიც გაიტანა.kreiszeitung.de-სთან ინტერვიუში "ვერდერის" უკრაინელ თავკაცს, ვიქტორ სკრიპნიკს სხვებთან ერთად 20 წლის ქართველიც შეაფასებინეს:
"მან "აუეს" წინააღმდეგ სუპერგოლი გაიტანა. ქართველმა მაღალი ტექნიკაც გამოავლინა, თუმცა მას აქვს სისუსტეებიც - ის არც ისე სწრაფია და ორთაბრძოლებსაც აგებს. პაპუნაშვილს ფიზიკურად მომაგრება სჭირდება, მაგრამ ჩვენ მას დავაკვირდებით", - განაცხადა სკრიპნიკმა.
