ყაზანის "რუბინმა" ესპანურ შეკრებაზე მორიგი ამხანაგური შეხვედრა გამართა. ამჯერად ყაზანელთა მოწინააღმდეგე გახლდათ ესპანური სეგუნდა B დივიზიონის ბინადარი "ლინენსე".ყაზანური კლუბის შემადგენლობაში იყო საქართველოს ეროვნული ნაკრების მცველი საბა კვირკველია. მან პირველი ტაიმი ითამაშა.
ყაზანელთა უპირატესობა მთელი შეხვედრის განმავლობაში თვალსაჩინო იყო. მათ მოწინააღმდეგის კარში 3 გოლი გაიტანეს, საკუთარში კი მხოლოდ ერთი მიიღეს.
ჩვენი მკითხველისთვის განსაკუთრებული სიახლე არ იქნება, თუ დავწერთ, რომ კვირკველიას თამაშს დიდი ყურადღებით აკვირდებიან ევროპის წამყვანი კლუბები.
ყოველდღიური სპორტული გაზეთი "ლელო"
