ზაურ სვანაძის "ინტერმა" აზერბაიჯანის ჩემპიონატის მატჩში 1:0 დაამარცხა "ქიაფაზი" და მესამე ადგილზე გადავიდა.ქართველმა მწვრთნელმა სასტარტოში მხოლოდ ორი ჩვენებური ათამაშა, ლაშა სალუქვაძე და ნიკა კვეკვესკირი, გიორგი ლომაია კი სათადარიგო იყო.
გოლი გაჯიევმა გაიტანა და მთელმა გუნდმა ის ბებეტოს სტილში აღნიშნა, ერთ-ერთი თანაგუნდელის შვილის დაბადების აღსანიშნავად.
ტრავმების გამო არ უთამაშიათ ლაშა კასრაძესა და ზურაბ ხიზანიშვილს.
ზაურ სვანაძე: "ინტერს" ფსიქოლოგიური პრობლემები არა აქვს, მაგრამ აქვს სხვა სახის პრობლემები, გუშინ ორმა ფეხბურთელმა განმიცხადა, რომ თამაშს ვერ შეძლებდა და მატჩის წინ 12 ფეხბურთელით ვივარჯიშე.
![Sportall.Ge](/pictures/artimages/image17/77b183aeac5c6c738a9c65876c4a4f2f.jpg "ქართველთა "ინტერმა" აზერბაიჯანში იმარჯვა და გოლი ბებეტოს სტილში აღნიშნა")
![ზურა ხიზანიშვილის გადაცემა "სპორტალში" [VIDEO]](/pictures/image7/48c90b6d47e18b0be3220d84b25ec6ea.png "ზურა ხიზანიშვილის გადაცემა \"სპორტალში\" [VIDEO]")
