მოსკოვის "ლოკომოტივის" ახლო წარსულში ცნობილ ფორვარდ ზაზა ჯანაშიას თებერვალში 40 წელიწადი შეუსრულდა და რუსული კლუბის საიტმა თბილისში მასთან ვრცელი ინტერვიუ ჩაწერა.ჯანაშია 1996-2001 წლებში თამაშობდა მოსკოვის "ლოკომოტივში".
"ძალიან გამიჭირდა რუსეთთან დამშვიდობება, თუმცა თბილისში ბრწყინვალედ ვარ, ისე არა, როგორც მოსკოვში, მაგრამ მაინც. მყავს საუკეთესო მეუღლე, ბავშვები, მაქვს სახლი.
ახლა ვსწავლობ სამწვრთნელო საქმეს. მალე A კატეგორიას მივიღებ, შემდეგ კი "პრო"-ს ჯერია. პარალელურად, ბავშვებს ვწვრთნი თბილისის "დინამოს" აკადემიაში.
ვნანობ, რომ "ლოკომოტივიდან" წამოვედი. შემეძლო ბავშვების გაწვრთნა ან რამე თანამდებობაზე მუშაობა, მაგრამ მაშინ ყველა წავიდა
ახლა უკვე ისევ მივეჩვიე საქართველოს და აქედან წასვლა გამიჭირდება. ახლანდელი "ლოკომოტივი" მომწონს და ვგულშემატკივრობ. შევეცდებით, საქართველოში გავუზარდოთ მას ფეხბურთელი", - განუცხადა ჯანაშიამ ოფიციალურ საიტს.
![გაგნიძემ მოსკოვის "ლოკომოტივს" ურთულესი პოზიციიდან გაუტანა [VIDEO]](/pictures/image7/f75b8452e5f15d869da866abe337447b.jpg "გაგნიძემ მოსკოვის \"ლოკომოტივს\" ურთულესი პოზიციიდან გაუტანა [VIDEO]")
