დღეს საფრანგეთის ლიგა 1-ის 35-ე ტურში ჯაბა კანკავას "რეიმსი" მე-4 ადგილზე მყოფ "ნიცას" სტუმრობს. სამწუხაროდ, ამ შეხვედრაში მონაწილეობას ვერ მიიღებს საქართველოს ნაკრების კაპიტანი. ის დისკვალიფიცირებულია. ჯაბა პირველ სეზონს ატარებს საფრანგეთში და მას უკვე მესამედ მოუწევს თამაშის გამოტოვება დისკვალიფიკაციის გამო.
კანკავამ 24 თამაშში 11 ყვითელი ბარათი და 1 წითელი ბარათი მიიღო. ამ მაჩვენებლით ის ლიგა 1-ში მეორე ადგილზეა.
"კანკავა დისკვალიფიცირებულია და ეს უდიდესი დანაკლისია გეგანის გუნდისთვის", - წერს ყოველკვირეული "ფრანს ფუტბოლი".
