აზერბაიჯანის თასის გათამაშების საპასუხო ნახევარფინალში ბაქოს "ინტერი" ამჯერადაც დამარცხდა "ყარაბაღთან" - 0:1. "ინტერში" ითამაშეს ლაშა კასრაძემ (სრულად) და ლაშა სალუქვაძემ (66 წუთი). როგორც ჩანს, ზაურ სვანაძემ დანარჩენი ქართველები დაასვენა, რადგან პირველი შეხვედრის მერე, რომელიც "ყარაბაღმა" 4:0 მოიგო, ყველაფერი გადაწყვეტილი იყო.* * *
ბელორუსის თასის საპასუხო ნახევარფინალში ვაკო გვილიას "მინსკი" შინ 0:1 დამარცხდა "ჟოდინოსთან". პირველი შეხვედრა 1:1 მორჩა. გვილიამ 90 წუთი ითამაშა.* * *
ფინეთის რანგით მეორე ლიგაში "კოკოლამ" გასვლაზე 3:0 მოუგო "ჰაკას". ირაკლი სირბილაძემ "კოკოლას" რიგებში 90 წუთი ითამაშა.* * *
ნორვეგიის თასის შემდგომ ეტაპზეა "სტაბეკი", რომელმაც სტუმრად 3:0 სძლია "ბაერუმს". გიორგი გოროზია მინდორზე 54-ე წუთიდან გამოჩნდა.* * *
"გალათასარაისთან" თურქეთის თასის საპასუხო ნახევარფინალში (0:0, პირველი მატჩი სტამბოლელებმა 3:1 მოიგეს) არ უთამაშია "რიზესფორის" ქართველ შემტევს, ნიკა ძალამიძეს.ყოველდღიური სპორტული გაზეთი "ლელო"
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
