იტალიური "ემპოლის" ქართველმა ფორვარდმა ლევან მჭედლიძემ გუნდის გუშინდელი ვარჯიში კუნთის დაჭიმვის გამო გამოტოვა.მართალია, მჭედლიძეს სადისციპლინო კომიტეტმა "კარპისთან" შეხვედრის შემდეგ 3-მატჩიანი დისკვალიფიკაცია მიუსაჯა, მაგრამ ფეხბურთელი გუნდთან ერთად ვარჯიშობდა და როგორც "ემპოლის" მთავარი მწვრთნელი იძახდა, მჭედლიძე საკმაოდ კარგ ფორმაშიც იმყოფება.
კლუბმა სასამართლოში აპელაცია შეიტანა და იტალიური Iltirreno-ს ინფორმაციით, საბოლოოდ, დღეს გადაწყდება, მოეხსნება თუ არა ქართველ ფორვარდს დისკვალიფიკაცია, თუმცა "ემპოლის" გუშინდელმა ვარჯიშმა მჭედლიძის გარეშე ჩაიარა.
"ემპოლი" სერია A-ს 37-ე ტურს ხვალ მილანში, "ინტერის" წინააღმდეგ გამართავს, ხოლო სეზონის ბოლო მატჩში "ტორინოს" უმასპინძლებს.
![გოგლიჩიძე დაბრუნდა და ტრავმა მიიღო - "ემპოლიმ" "ლეჩესთან" გამარჯვება ხელიდან გაუშვა [VIDEO]](/pictures/image7/0963638cf025c81125232fc6d614dd1e.jpeg "გოგლიჩიძე დაბრუნდა და ტრავმა მიიღო - \"ემპოლიმ\" \"ლეჩესთან\" გამარჯვება ხელიდან გაუშვა [VIDEO]")
