როგორც სანდო წყარომ გვაცნობა, კვიპროსული "ანორთოსისის" 27 წლის ნახევარმცველის, ირაკლი მაისურაძის გადაბირებით ორი კვიპროსული კლუბი, აპოელ-ი და "აპოლონია" დაინტერესებული. ორივე ამბიციური გუნდია, განსაკუთრებით, აპოელ-ი, რომელსაც სულ ცოტა ხნის წინ თემურ ქეცბაია წვრთნიდა და რომელიც ჩემპიონთა ლიგაში ითამაშებს.
მაისურაძეს კვიპროსში შევეხმიანეთ და კომენტარი ვთხოვეთ:
"აპოელ-ი და "აპოლონი"? სიმართლე გითხრათ, ამ ხმებმა ჩემამდეც მოაღწია. აგენტი არკვევს ყველაფერს და ზუსტად ვერ ვიტყვი ჯერ, რა და როგორ იქნება.
კლუბის ხელმძღვანელობას დაველაპარაკები და ვნახოთ, გავაგრძელებთ თუ არა კონტრაქტს", - გვითხრა მაისურაძემ.
ყოველდღიური სპორტული გაზეთი "ლელო"
