ყაზახეთის ჩემპიონატის მე-10 ტურში გოგიტა გოგუას არ უთამაშია - "ირტიშმა" მის გარეშე დაამარცხა "ტარაზი" - 2:1. ჩვენებური განაცხადში კი იყო, მაგრამ თამაში არ შეეძლო.როგორც გუნდის თავკაცმა განაცხადა, გოგიტამ მატჩის წინა მოთელვაზე მიიღო ტრავმა, რომლის სირთულის ხარისხიც ჯერ კიდევ უცნობია.
შეგახსენებთ, რომ 9 ტურში მან 4 გოლი გაიტანა და 6 საგოლე პასი გააკეთა.
ამასობაში გოგუა ზედიზედ მეორე თვეში დაასახელეს "ირტიშის" საუკეთესო ფეხბურთელად. მან ეს ჯილდო მარტში კარგი თამაშისთვისაც მიიღო და ახლა აპრილში გამორჩეული თამაშისთვის დააჯილდოეს.
